Ohe hutsegia

Ilargi beteak argitzen du gaueko iluna. Izarak kendu eta ohean barrena bideratu naiz. Zure usaina duen bururdia hartu eta argia itzaliaz bat, begiak itxi ditut. Panpina estu heldu eta ametsen munduan murgildu naiz. Gaueko ordu txikiak dira, beldurturik iratzarri naiz, bakardadeari iheska. Begiak ireki eta argirik ez ikusteak itotzen nau, izarak kendu eta ihes egin nahi dudan unean, sar zaitez nire ohean eta hel nazazu estu. Begiak itxi eta ametsen mundu berri bat ezagutuko dut, maitasunak mugarik ez duen mundua.